———————————————
ملامح من فصول عمرى
ملامح من فصول عمرى
الفصل الأول
التلّمذة
……………….
وسط اللمة ف قلب الشارع
كنا صغار والشارع واسع
بس اللمة زيك يامه
تجعل كل براح الشارع ضمة
دول أصحابى وأهلى وناسى
سامعك يامه وسامع صوتك
بس اللعب واخدنى شوية
وانتى تملى تنادى عليا
يامة شوية .يامة شوية
يامه شوية عايز ألعب
عايز أهرب من مشاويرك
بس أخاف على زعلك منى
دايما أهرب وإنتى تحنى
حاضر يامة حاضر جاى ..
………………..
أقعد ذاكر……..
:أقعد ذاكر وإنت مّركِز
:حاضر يامه
:نفسى أشوفك صاحب مركز
:حاضر يامه
:نفسى ونفسى ونفسى ونفسى
:حاضر يامه
:حاضر بس ياريتنى أنفذ
…………….
فِكرك يامه..
إن اللعب ف قلب الشارع
عندى انا غية ؟
لا والله يامه دى هى
أجمل بنت ف قلب الشارع
لما بشوفها
بحس بإن الدنيا بحالها
ملك إيديا
بلعب وسط صحابى وعينى
تبص هناك
ع الشباك
يمكن
ـــــــــــــــــــــــــــــــــــــــــــــــــــــــــ
التصنيفات : شعر |
